Омыртқа бағанасының қозғалысы

Омыртқа бағанасы омыртқааралық дисктер және байламдардың көмегімен икемі және серпімді вертикалды бағана түзеді, онда екі серпімді жүйе біріне-бірі қарама-қарсы әсер етеді:

• Шеміршектер-омыртқалардың жақындасуына, ал
• байламдар-олардың бір-бірінен алыстауына кедергі жасайды.Омыртқа бағанасын құрайтын сегменттердің көптігінен жеке омыртқалар арасындағы ұсақ қозғалыстар бір-бірімен қосылып,бүкіл омыртқа бағанасы үшін едәуір қозғалтқыш қабілет береді.Ең қозғалмалы-омыртқа бағанасының мойын және жоғарғы бел бөліктері, ал аз қозғалмалы-қабырғалармен байланысатындықтан оның кеуде бөлігі, сегізкөз тіпті қозғалмайды.
• Омыртқа бағанасында мынадай қозғалыстар мүмкін болады.

1. Фронталды білік айналасында-еңкею, шалқаю.
2. Сагитталды білік айналасында -оңға және солға қисаю
3. Вертикалды білік айналасында -дененің айналуы(оңға және солға бұрылу).

• Бұдан басқа айналмалы қозғалыс жасалуы, сондай-ақ тиісті бұлшықеттер жиырылып немесе жазылғанда иілімдердің күшеюі немесе жазылуы есебінен омыртқа бағанасының ұзаруы немесе қысқаруы мүмкін(серіппелі қозғалыстар).