Оноре Викторьен Домие

Оноре Викторен Домие (фр. Honoré Victorin Daumier; 26 ақпан 1808, Марсель - 11 ақпан 1879, Вальмодуа) - француз кескіндемешісі әрі график-суретші, мүсінші, XIX ғасырдың саяси карикатураның ірі шебері.

Оноре Викторен Домие
фр. Honoré Victorin Daumier
Туған күні	26 ақпан 1808 (1808-02-26)
Туған жері	Марсель
Қайтыс болған күні	10 ақпан 1879 (1879-02-10) (70 жас)
Қайтыс болған жері	Вальмондуа
Азаматтығы	Франция
Жанры	карикатура
Оноре Викторен Домие Ортаққорда

Өмірбаяны

Әйнекшінің баласы Домие жас кезінде литографиямен шұғылданған.

1830 жылы - Революциядан кейін саяси карикатураның шебері ретінде көрінеді. Литографиялық, мүсіндік шарждарында, ағашқа ойып салған суреттерінде Домие жұмысшылар мен революционерлердің, бостандық жолында шайқасушылар мен қаза тапқандардың образын жасау арқылы буржуазиялық-дворяндық реакциясына аяусыз әшкерелейді ("Заң шығаратын түйін", "Баспасөз бостандығы", "Транснонен көшесі..." 1834). Домиенің литографиялық алғашкы еңбектері саяси қортындыға бара алатын батылдығымен, реалисттік мазмұнының тереңдігімен көзге түсті.

1835 жылы - Саяси карикатураға тыйым салынғанан кейін Домье тұрмыстық сатираға ден қойып, дүниеқоңыз, көлгірсіген соттар мен чиновниктердің пасықтығын ажуалады.

1848ж және 60-70 жылдардағы революция тұсында Домие саяси сатираға қайтада оралды. Франция-Пруссия соғысына арнаған патриоттық еңбегі ашу-ызаға, иронияға толды. Домьені кескіндемелеріндегі идеялық тереңдік, тақырып ауқымының кеңдігі, тұжырымдылық пен жинақылық,композицияларындағы шиыршық атқан шиеленіс бояулар сәулесі суретшінің көзі тірісінде танылған жоқ. Бұл саладағы шығармаларында сатирамен қатаркаһармандық образдар, халық көтерілісі тақырыбы,қарапайым адамдар өмірі және кезбе сауықшылардың романтикалық-гротескілік тұлғалары да басты оры алады. Суретші Дон Кихот образын жасауға да ат салысып жүрді.

Домие шығармашылығы - ХІХ ғасырдағы сыншыл раелизмнің шыңы.

Галерея

• 
  «Көтеріліс» (1848)
• 
  «Алмұрттар». Луи-Филиппқа карикатура (1831)
• 
  Виктор Гюго. (1849)
• 
  "Диірменші, оның баласы және есек" (1849)
• 
  «Дон Кихот» (1868)

Дереккөздер

• “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998