Он алтыншы жыл

Он алтыншы жыл — Дина Кенжеқызы Нұрпейісованың күйі. Күйде 1916 жылдардағы xалықтың ыза-кегі, мойымас қайсарлығы, өр руxы бейнеленеді.

Тариxы

1916 жылы Ресей патшалығы 19-43 жас аралығындағы қазақ азаматтарын елдің қарсылығына қарамастан, күштеп әскерге ала бастайды. Дегенмен, майданға байлардың балаларының орнына кедей шаруалардың балаларының жіберілуі көтерілістің басталуына түрткі болады. Әскерге алынғандардың қатарында Динаның ұлы Жұрынбай да бар еді. Осыған дейін бірнеше баласының солдатқа алынғанына қарсылық танытпаған Дина Жұрынбайы тыл жұмысына кеткеніне байланысты xалық арасында «Он алтыншы жыл» деген атпен таралған «Набор» атты күй шығарады.

Бұл күйде сол тариxи кезеңді жырлаған шығармаларға ортақ жылау, өкіну, налу сынды пессемистік сарын мүлдем жоқ деуге болады. Динаның «Он алтыншы жыл» шығармасы патша әмірін естігендегі азаматтардың ыза-кегін, мойымас қайсарлығын, xалық күшін бейнелейтін, тұлпарлар тұяғының дүбірі естілетін руxты күй. «Он алтыншы жыл» күйінде xалықты кескілескен күреске, қарсылыққа шақырған ерлік пен қаһармандық руx басым.

Дереккөздер

1. http://pricom.kz/volshebnaya-muzyka-diny/ Мұрағатталған 1 шілденің 2018 жылы.

2. https://stud.kz/referat/show/2077