Оперативтік бағыныштылық

Оперативтік бағыныштылық (оперативное подчинение) — операцияны дайындау және жүргізу жүктелген қолбасшыға (командирге) жауынгерлік тапсырманы орындау уақытында бірлестіктердің, құрамалардың бөлімдердің уақытша бағынуы. Оперативтік бағыныштылық ұрыстық қимылдар кезінде немесе басталар алдында жоғары әскери басшылықтың шешімімен орындалады. Қолбасшы (командир) оперативтік бағыныштылыққа түскен әскерлерге жауынгерлік тапсырмалар бөледі, оларды күшейтуге қажет күштер мен құралдар бөледі, атыспен қолдайды және операция (ұрыс) кезінде оларды басқарады. Бірақ ол оперативті бағынышты бірлестіктердің (құрамалардың, бөлімдердің) ұйымдық құрылымын бұзуға, оларды өз құрамаларына (бөлімдеріне) бөлуге, басқа жағдайға пайдалануға, басшы құрамын ауыстыруға, т.б. құқығы жоқ. Оперативтік бағыныштылыққа берілген әскерлерді негізінен уақытша басқаратын қолбасшы қамтамасыз етеді.