Оперативтік кезекші

Оперативтік кезекші (оперативный дежурный) — бөлімнің, құраманың, бірлестіктің басшылық пунктіндегі кезекті кезекшілік уақытында әскерлерді (күштерді) басқаруды камтамасыз ету бойынша белгілі міндеттерді орындаушы офицер. Ол әдетте штаб офицерлерінен және әскер түрлерінің, арнайы әскерлер мен қызметтердің басқару пунктінде отыратын жақсы дайындалған офицерлерінен бір тәулікке тағайындалады. Оперативтік кезекшінің негізгі міндеттері: іс-қимыл әрекеттерін, өз әскерінің (күшінің) орналасуын (жағдайын), бағынышты және өзара әрекет-қимылдағы әскерлердің (күштің), көршілердің, жоғарғы штабтың басқару пункттерінің орындарын, командирдің, (қолбасшының), штаб бастығының және әскер түрлері, арнайы әскерлер мен қызмет бастықтарының тұрған орындарын білу; жағдай картасын жүргізу (бөлімдердің және құрамалардың басқару пункттерінің (бп)) байланыс құралдарының жағдайына, жауынгерлік құжаттардың уақытында жіберілуіне, басқару пункттерін қорғау мен күзету кызметіне бақылау жүргізу; жеке құрамды әскери дабыл, жинастыру, радиациялық және химиялық жағдай туралы хабардар ету; хабарламаны, әкімдерді белгіленген уақытында жеткізу және т.б. Оперативтік кезекші тиісті қолбасшыға (командирге), штаб бастығына және арнайы нұсқауда көрсетілген басқа да тұлғаларға бағынады.