Оперативтік қамтамасыз ету

Оперативтік қамтамасыз ету(оперативное обеспечение) — операцияны (ұрысты) табысты жүргізуге, қаруланған ұрыс құралдарын тиімді колдануға, әскерлердің (күштердің) әскери қабілеттілігін сақтауға, қарсыластың тұтқиылдан шабуылға шығуына жол бермеуге немесе оны ескертуге, сондай-ақ оның әскерлерге (күштерге) соққы беру тиімділігін төмендетуге қатысты қолайлы жағдай жасау мақсатында жүзеге асырылатын іс-шаралар кешені. Оперативтік қамтамасыз етудің негізгі түрлері: барлау, жаппай жою қаруынан қорғау, радиоэлектрондық күрес, бүркеніш, инженерлік, химиялық, топогеодезиялық, гидрометеорологиялық камтаыасыз ету; тактикалық буында оперативтік қамтамасыз етуге күзету де жатады.