Оперативтік қорғаныс аймағы

Оперативтік қорғаныс аймағы (оперативная зона обороны) — Оперативтік құрама қорғанысының алқап бөлігі. Оның алқап бөлігіне армиялық және майдандық қорғаныс алқабы (шебі) енгізіледі және ол оперативтік (жедел) сапқа тұрғызудың барлық тереңдігіне жайылады. Оперативтік қорғаныс аймағының алдыңғы жағында тактикалық қорғаныс аймағы әзірленеді. Оперативтік қорғаныс аймағының артқы жағындагы маңызды бағыттарда стратегиялық қорғаныс шептері орналасады. Оперативтік қорғаныс аймағының негізгі мақсаты — қорғаныстың тереңдігін арттырып, тұрақтылығын жоғарылату, шабуылдаушы қарсылас қорғаныс тереңдігін бұзып өткен жағдайда оған қарсылық көрсету күштерін көбейту және маневр үшін ыңғайлы жағдайлар жасау. Ұлы отан соғысы жылдарында оперативтік қорғаныс аймағына қорғаныс алкабының алдыңғы шебінен 25-30 километрде орналаскан армиялық алқабы, 1-3 майдан шептері, бөлектелген шептер мен позициялар, екінші эшелондар және майдан мен армия резервтерінін шоғырлану аудандары, майдандағы авиацияның орналасу аудандары, тыл бөлімдері мен армияның қарауындағы мекемелер енгізілді.