Оразғали Шәріпұлы Құлсарин

Оразғали Шәріпұлы Құлсарин 1958 жылы 29 наурызда Ақтөбе облысының Ақтөбе ауданының Благодатный кентінде туған. Ресейдің П. Лумумба атындағы Халықттар достығы университетін (1992) инженер-геолог-мұнайшы мамандығы бойынша бітірген. «Каспий маңы ойпатының шығыс белігі тұз шөгінділерінің геологиялық үлгісі» мақаласының серіктес авторы (2004). 1976 жылдан- Орталық Азия әскери округінің 75443-ә/б-де әскери қ ұрылысшы. 1979-1981 жылдары - «Ақтөберентген» зауытында тасымалдаушы. 1984-1986 жылдары - Ақтөбе мұнай барлау экспедициясында бұрғылау қондырғыларының слесары. 1992 жылдан - бұрғылау қондырғыларына қызмет көрсету геологы. 1996 жылдан - Жаңажол мұнай барлау экспедициясында геология бөлімінің бастығы. 1998 жылдан - Жер қойнауын қорғау басқармасында Жер қойнауының көмірсутекті шикізатын қорғау бөлімінің бас маманы. 1999 жылдан - ҚР Геология және жер қойнауын қорғау комитетінде Пайдалы қазбалар қорлары жөніндегі мемлекеттік комиссияның бас маманы, басқарма бастығы м.а. 2000 жыладн - ҚР Геология және жер қойнауын қорғау комитетінің Пайдалы қазбалар қорлары жөніндегі мемлекеттік комиссия басқармасының бастығы. 2001 жылдан - ҚР Геология және жер қойнауын қорғау комитетінің Геологиялық зерттеу және көмірсутек шикізаты мониторингі басқармасының бастығы. 2004 жылдан - Геология және жер қойнауын пайдалану комитеті Пайдалы қазбалар қорлары женіндегі мемлекеттік комиссиясының төрағасы; ҚР Энергетика және минералды ресурстар министрлігінің (қазір - ҚР ИЖТМ) Геология және жер қойнауын пайдалану комитеті бастығының орынбасары. «Жер қойнауын барлау ісінің үздігі», «Қазақстан мұнайына 100 жыл» белгілерімен; «Қазақстан Конституциясына 10 жыл» медалімен марапатталған.