Оразқұл Базанов

Оразқұл Базанов(1873, бұрынғы Семей облысы — 1935, Алматы қаласы) — қазақтың алғашқы мал дәрігерлерінің бірі. 1899 жылы Қазан ветеринария институтын бітірген. Студент кезінде (1897-98) қазақ даласын зерттеген Ф.Щербинаның экспедициясына қатысып, тіркеуші қызметін атқарған. 1900 жылы Ақмола облыстық әскери губернаторының арнайы хатымен Базанов Омбы қаласынан Жетісу өңіріндегі жұқпалы мал ауруларына қарсы күресу мақсатымен Вер­ный қаласына жіберіледі. Жергілікті әскери губернатордың сол жылғы 22 ақпандағы бұйрығымен ол Верный уезіндегі оба ауруына қарсы күрес шараларын атқаратын мал дәрігері қызметіне тағайыналады. 1903 жылы Жаркент уезіндегі Охотничьи (қазіргі Нарынқол) елді мекенінде жұ­мыс істей жүріп, Рабиға Атау- ылқызы Минееваға үйленеді. 1904 жылы Жетісу облысының Шу мал дәрігерлік пунктіне жұмысқа ауысып, Хантау өңірінде мал ауруларының таралып кетпеуін қадағалайды. 1904жылы 16-22 ақпанда Верный қаласында өткен Жетісу облыстық мал дәрігерлерінің 1-съезіне қатысып, "Қапал уезі қазақтарының қыс қыстаулары мен жаз жайлаулары және жайлауға шығатын көші-қон жол- дарының сипаттамасы" деген тақырыпта баяндама жасаған. Өмірінің соңғы жылдарында Жетісу облысында, Қырғызстанда (Бішкек) өз мамандығы бойын- ша еңбек еткен. Оразқүл — белгілі ғалым, академигі Нойла Базанованың әкесі.