Оралдағы шіркеулер мен соборлар

Алғашқы шіркеу Жайық қалашығының тұрғын үйлерімен қатар салына бастады. Ол — Кирсанов шіркеуі (1613 не 1620 ж.). Кейін қазан, қасиетті Алексей, Мәскеу митрополиті, Преображенский шіркеулері және Архистратиг Михаил соборлары пайда болды. Бірақ олардың барлығы да 18 ғ-дағы өрт кезінде жанып кетті. 1846 ж. салынған Успен құдай Анасы православие шіркеуі әскери бөлімге қызмет епі. 1837-50 ж. қала орталығында қасиетті Александр Невский (тастан салынған) православие шіркеуі бой көтерді. 1859 ж. Никольск шіркеуі, 1891-07 ж. құтқарушы Иса храмы, 1898 ж. Спасо-Преображенский шіркеуі салынды. 19 ғ-дың 30 ж. Қала сыртынан да шіркеулер (Введенский, Преображенский, Вознесенский, Успен, т.б.) салына бастады. 20 ғ-дың басында Орал қаласында Александр Невский православие соборы, Казань-Богородицкий, Пантелеймонов және Введенский православие шіркеулері, сондай-ақ қазан-Богородицкий, Петропавловск, т.б. бір дінге сенушілер шіркеулері, Архангел Михаил бір дінге сенушілер соборы, құтқарушы Иса храмы жұмыс істеп түрды. Қазіргі кезде қалада Архангел Михаил православие шіркеуі, құтқарушы Иса храмы, Спасо-Преображенский шіркеуі жұмыс істеп түр. Басқа да шіркеулер мен соборлар 20 ғ-дың 30-40-жылдары ішінара бұзылып не түгелдей жойылып кетті.