Орал Тұтқабайұлы Әбдірахимов

Орал Тұтқабайұлы Әбдірахимов (1953 жылы туған), механика және қолданбалы математика саласындағы ғалым, техника ғылымының докторы, профессор (1993). Қазақ мемлекеттік университетін бітірген (1976). 1976-1995 жылдары Жамбыл гидромелиорация құрылыс институтында, ҚР ҰҒА Механика және машинатану институтында асситенттен лаборатория жетекшісіне дейін әртүрлі қызмет атқарды. 1995-96 жылдары Жезқазған педогогика институтының ректоры, 1996-2000 жылдары О. А. Байқоңыров атындағы Жезқазған университетінің ректоры, 1-проректоры. 2000-2001 жылдары Алматы технологиялық университетінде декан болды. 2004 жылдан Рудный индустриалдық институтында (Қостанай облысы) ректор. 80-нен аса ғылыми еңбегі жарық көрген. Оның ішінде 2 монография, 1 оқулық, 16 патенті бар.