Орамалы соссюрея

Орамалы соссюрея (Қатпарлы шұбаршөп Saussurea involucrata) - күрделігұлділер тұқымдасына жататын көп жылдық өсімдік. Жетісу (Жоңғар), Іле, Теріскей Алатауларында, Кетпен жотасында кездеседі. Биіктігі 35 см-дей, тамыр мойны қурағн жапырақтарының талшықты қалдықтарымен қапталған. Сабағы қалың жапырақты. Дегелек жапырақтары мен төменгі сабақ жапырақтарының ұзындығы шамамен 10 см, ені 3 см-дей, жиектері иректелген. Гүл түбіндегі жапырақтары өте көп, ашық түсті, ұзындығы 6-8 см. Сопақтау немесе жалпақтау сопақ гүлшоғыры қоршап тұрады, гүлдегенде ашылады. Гүлдері қара күлгін түсті. Маусым-шілдеде гүлдеп, шілде-тамызда жеміс салады. Жемісі тұқымша, өте сирек кездесетін реликт түр болғандықтан, Қазақстанның «Қызыл кітабына» енгізілген.