Ағзаның ішкі ортасы

биология
(Организмнің ішкі ортасы бетінен бағытталды)

Ағзаның ішкі ортасы (фр. milieu intérieur) (лат. — medium organismi internum)  деп - ағзадағы сұйықтықтардың жиынтығын айтады. Ағза сұйықтықтары әдетте белгілі "сұйыққоймаларда" сақталып, жаратылыс жағдайларды сыртқы ортамен ұласпай, соның нәтижесінде ағзаның ішкі гомеостазы сақталады. Терминді алғашқы рет ұсынған - франзуз физиолог Клод Бернар

Ағзаның ішкі ортасы үш заттан тұрады:

  1. Қан
  2. Лимфа
  3. Ұлпа .

Қанның ағзада көлемі - 5 литр болады. Оның құрамы 55% плазмадан, 45% қан жасушасынан тұрады. Қан сүйектер кемігінде, көкбауырда, лимфа түйінінде түзіледі. Атқаратын қызметі: тасымалдау, тыныс алу, қоректену, зәр шығару, жылу реттеу, қорғаныш. Ұлпа мен Лимфадан айырмашылығы: тұйық шеңбер түрінде жүректен мүшелерге, мүшелерден жүрекке қарай ағып тұрады.

Ұлпаны4 көлемі ағзада 14-20 литр болады. Құрамы: қан сарысуына ұқсас, нәруыз аз, лимфоциттер мен лейкоциттер . Атқаратын қызметі : капилярлар жасушалармен байланыстырып зат пен газ алмасуды реттейді. Түзілетін орны : қанның құрамынан бөлініп жасушаларды қоршап жатады. Қан мен Лимфадан айырмашылығы : аздаған мөлшері қылтамырындағы қанға қайта қосылады.

Лимфаның көлемі әдетте 1-3 литр. Құрамы: қан сарысуына ұқсас, нәруыз өте аз, лимфоциттер бар. Түзілетін орны: ұлпа сұйықтығынан бөлінеді . Атқаратын қызмет : судың таралуын реттейді, қорғаныштық қызметін атқарады, ұлпа сұйықтығын реттейді, тасымалдау қызметін атқарады. Қан мен Ұлпадан айырмашылығы: Мүшелерден жүрекке бір бағытта өте баяу ағады.