Орыс-жапон конвенциясы - 1912 ж.25(8) маусымда Петербургте қол қойылған құпия конвенция. Оған Ресей сыртқы істер министрі С.Д.Сазонов, Жапонияның елшісі И.Мотоно қол қойды. Конвенция 1907 ж. және 1910 ж. келісімдерді толықтырды. 1912 ж. қаңтарда Жапония ықпал жүргізу аймағының шекарасын Калган-Урга жолы бойынша белгілеу жөнінде Ресейге ұсыныс жасады. Ресей бұл жобаны қабылдамады, өйткені жоба бойынша Орт.Қытаймен сауда жасайтын жол Жапонияның ықпал жасау аймағына ауысты. Келіс сөз барысының нәтижесінде Пекин меридианы бойынша Ішкі Монғолия,Жапония(шығыс) және орыс (батыс) аймағына бөлінді. Ресейдің Бат.Қытайды (Синьцзян) өзінің ықпал жүргізетін аймағына айналдыруға тырысқан әрекетіне Жапония қарсылық білдірді. Конвенцияда екі жақтың ықпал жасау аймақтарында бір-бірінің мүдделеріне нұқсан келтірмеу міндеттері атап көрсетілді. ==Қазақ Совет энциклопедиясының бас редакциясы, 8-ші том.1976==
