Офиуралар мен теңіз лалагүлдері

Офиуралар

Офиуралар теңіз жұлдыздарына сырттай ұқсас, бірақ олардың жұқа, ұзындығы 50 см жететін бунақты тармақтары орталық дөңгелектенген жақсы дараланған әрі ирелеңдеген жыланға ұқсайды. Бұл жануарлардың жыланқұйрық деген екінші атауы осыдан шыққан. Офиуралар да теңіз жұлдыздары сияқты регенерация қабілетіне ие:олардың тармақтары оңай бөлініп түсіп, жыртқыштың жеміне айналады, содан кейін қаитадан орнына өсіп шығады. Офиуралар су түбін тармақтарымен тіміскілеп, жеуге жарамдының бәрін аузына апарып, ұсақ жануарларды (ұсақ шаяндар, полихеттер, моллюскілер, инетерілілердің қабыршақтары) және алуан түрлі органикалық қалдықтарды қорек етеді. Бұл инетерілер бұлшықетті тармақтарынық көмегімег су түбінде біршама жақсы жылжиды әрі ыршып секіре де алады. Горгонаның басы тәрізді кейбір офиуралардың тармақтары өте жиі таралып, бейнелері көзге оғаш түседі. Горгонанығ басы тармақтарын жоғары көтеріңкіреп, судан тағам қалдықтарын аулау арқылы қоректенеді.Офиуралардың бір бөлігі тастардың астына, рифтердің саңылауларына және балдырлардың арасына тығыладығ ал кейбіреулері су түбіне көміле алады. Офиуралар таяз суларда да, 8 мың м асатын тереңдіде мекен етеді, олардың тереі судағы түрлерінің жарық шығару қабылеті бар. Офиуралар су түбінің кейбір тұстарына көптеп шоғырланып алып, түктері жыбырлағанкілем сияқты көрінеді.

Сабақсыз теңіз лалагүлі

Теңіз лалагүлдері

Теңіз лалагүлдерінің денесі тостағанша тәрізді, одан ішінде өзектері бар қармауыш-тармақтар тарайды. Олардың жақсы дамыған, әктасты пластиналардан тұратын қаңқасы бар. Пластиналар бұлшықеттің көмегімен бірігеді, бұл сабағы мен тармақтарына қозғалғыштық пен икемділік таратады. Тармақтардың бастапқы саны- бесеу, бірақ теңіз лалагүлдерінің көпшілігінің әрбір тармағы өз алдына тармақталады, сондықтан олар қауырсын тәрізді көрінеді, ал ең ұшындағы тармақтарының жалпы саныекі жүзге жетуі мүмкін. Теңіз жұлдыхдары жабысқақ өсінділері бар тармақтарының көмегімен судан тамақ қалдықтарын аулайды, қалдықтар өзектер арқылы ауыз тесігіне түседі (бұлардың ауызы төменге емес, жоғарыға қарап тұрады). Сабақты лалагүлдер ғажайып гүлдерге ұқсап, сабағының үстінде отырады да, бір орынға бекіген күйде тіршілік етеді. Ересек сабақсыз лалагүлдердің сабақтары жойылып кетеді. Олар субстратқа ұшында тырнақшалары бар көптеген өсінділері арқылы жабысады, соны бойлай баяу жылжи алады немесе ажырап шығып, тармақтарын сермей отырып әудем жерді жүзіп өте алады.

Сабақты теңіз лалагүлі

Қызықты деректер

Теңіз лалагүлдерінің - инетерілілердің ең ежелгі класы. Аз қозғалатын теңіз -лалагүлдерінің қазіргі түрлерінің сабағының ұзындығы 75-90 см жетеді, ал олардың қазба өкілдері ұзындығы 21 метрге жететін нағыз алып болған.

Дерек көздер

Балалар энциклопедиясы,РОСМЭН,Су астындағы тіршілік