Оқтағыш машина

Оқтағыш машина – жер үсті және жер асты кен жұмыстары барысында оқталынатын қуыстарға (ұңғыма, шпур, қазандық, камера) түйіршіктелген, оқшандалынған және ағынды (сулы) жарылғыш заттардың механикаға берілуін қамтамасыз ететін және оқталу кезінде жарылғыш заттарды дайындайтын қондырғы.

Жер үсті жұмыстарына арналған оқтағыш машина көліктік базадан (негізінен автомобиль), жарылғыш зат немесе оның құрамбөліктері тиелетін ыдыстан, ыдыстан жарылғыш затты ұңғымаға алып беретін құрылғыдан, араластыру (жарылғыш зат дайындағанда) құрылғысынан, басқару және бақылау жүйесінен тұрады. Пневматикалы беріліс барысында жарылғыш зат түсірілетін тесіктен түсіргішке бағытталады, одан сығылған ауаның көмегімен оқтамдық құбыршектің бойымен ұңғымаға беріледі.

Оқталу процесі

Оқталу процесін кабинадан басқарады. Жер асты жұмыстарына арналған оқтағыш машинаның өздігінен жүретін, жылжымалы және тасымалды нұсқалары шығарылады, ереже бойынша жарылғыш заттар пневматик. берілісті. Жарылғыш зат оқталу барысында машинаның тиелінім ыдысына төгіледі де, түсіргішке келіп түседі (барабанды, камералы немесе эжекторлы), әрі қарай сығылған ауа арқылы жеткізуші-оқтағыш иілгіш құбыршектің бойымен ұңғымаларға немесе шпураларға жеткізіледі. Оқталым барысында пайда болған статикалық зарядты иелену үшін құбыршек электр өткізгіш материалдардан жасалынады. Жарылыс жұмыстары үшін ірі және орташа кеніштерде қолданылатын оқтағыш машиналардың жұмыс өнімділігі 500 кг/мин, жерасты жұмыстарында 100 кг/мин (құбыршек бойымен жарылғыш заттардың тасымалдану ұзындығы 250 м).

Ішкі сілтемелер

• Пневматика
• Жарылғыш заттар