Оңтүстік Қазақстан өлкесі

Оңтүстік Қазақстан өлкесі — 1962-1964 жылдары Қазақ КСР-інің құрамында болған әкімшілік бөлініс.

Оңтүстік Қазақстан өлкесі 1962 жылы 3 мамырда Қазақ КСР-інің үш облысынан құрылған: Жамбыл облысы (орталығы — Жамбыл қ.), Қызылорда облысы (орталығы — Қызылорда қ.) және Шымкент облысы (орталығы — Шымкент қ.). Өлке орталығы — Шымкент қаласы.

Көп уақыт өтпей Оңтүстік Қазақстан өлкесі Қазақ КСР-інің Жоғарғы Кеңесі Президиумының жарлығымен 1964 жылы 1 желтоқсанда таратылды.

Оңтүстік Қазақстан өлкесінің басшысы рөлін Қазақстан Коммунистік партиясының өлкелік комитетінің Бірінші хатшысы атқарды.

• 1962 — Исмаил Абдурасулович Юсупов
• 1962—1964 — Сабыр Біләлұлы Ниязбеков