Павел Андреевич Федотов
Федотов Павел Андреевич(4.7.1815, Мәскеу-26.11.1852,Петербург)-орыс кескіндемешісі, орыс бейнелеу өнеріндегі сыншыл реализмнің негізін салушы. Академик (1849). Офицер болып жүріп, 1834 жылдан Петербург Көркемсурет академиясының сабақтарына қатысқан. Отставкаға шыққан соң(1834) сурет өнерімен біржола шұғылданды. Алғашқыда әскери өмірді, қатал тәртіпті сынаған суреттерден бастап,кейіннен сатиралық тақырыптарға ден қойды. Ол туындылары арқылы Петербург тұрмысының көлеңкелі тұстарын әшкерелеген бір тұтас суреттер галереясын жасады. Оның шығармаларына шыншылдық пен әлеуметтік әшкереушіліктің қуаттылығы, драма қақтығыстарды көрсетудегі жаңашылдық, мінез жасаудағы шеберлік тән. Чиновниктік өмірдің жұтаңдығы, көпестердің надандығы сияқты патшалық Рессейдің аянышты халі оның еңбектерінде жан-жақты бейнеленді ( «Майордың құда түсуі», 1848; «Ақсүйектің ертеңгі асы» 1849-1850, екеуі де, Третьяков галереясы; «Жесір», 1851, Иваново облыстық өлке тану музейі). Кейінгі творчество кезеңінде суретші шығармаларының бояу өңі ауырлай түсті әрі уытты мысқылдан қол үзді. П.А.Федотов мұнымен қатар бірнеше әскери әндердің, романстардың авторы. Оның творчество мұрасы 19 ғасырдың 2-жартысындағы орыс кескіндемесінің дамуына игі әсерін тигізді.
| Павел Федотов | |
| Туған күні | |
|---|---|
| Туған жері |
Мәскеу |
| Қайтыс болған күні |
14 (26) қараша 1852 (37 жас) |
| Қайтыс болған жері |
Санкт-Петербург |
Дереккөздер
өңдеуҚазақ энциклопедиясы