Павел Диакон

Павел Диакон (лат. Paulus Diaonus) (720 ж. ш.—13. 4. 799, Монтекассино) — лангобард тарихшысы. Жасында Павиядағы лангобард королы сарайында қызмет істеді. Лангобард мемлекеті құлағаннан кейін, Павел Диакон Монтекассинодағы монастырьде тұрды. 782—786 ж. Павел Диакон— Ұлы Карл сарайында қызмет атқарды, оның Академиясының мүшесі болды. Павел Диаконның басты шығармалары — «Лангобардтардың тарихы». Павел Диакон бұл еңбекте халық аңыздарын, жазба деректерді, оқиғаларды кезімен көріп, оған қатысқандардың айтқан әңгімелерін пайдаланған. «Лангобардтардың тарихында» лангобардтардың қоғамдық және саяси құрылысын, олардың Италияны жаулап алуы жөнінде көптеген мәліметтер бар.

Ортағасырлық жазбалар бойынша