Параметрлік бұрғылау

Параметрлік бұрғылау - іздестіру жұмыстарын жүргізуге тиімді деп табылған мұнай-газ жиылу өңірлерінің геологиялық-геофизикалық параметрлерін айқындау мақсатында ұңғыма бұрғылау. Негізгі міндеттері: қиманың, әсіресе аймақтық мұнайлы-газды қатқабаттардың стратиграфиялық жіктелуі жөніндегі деректері нақтылау; геофизикалық бөліктердің литологиялық-стратиграфиялық беттері үшін геологиялық-геофизикалық параметрлер алу; геофизикалық жұмыстардың деректерімен ұштастыра отырып таужыныстардың жатыс жағдайларын айқындау және мұнай мен газ жиылуға қолайлы терең құрылымдарды арши отырып, өңірдің тектоникасын нақтылау; жинауыш қатқабаттарды және флюидтік кедергілерді бөле отырып, таужыныстардың жинауыштық және термофизикалық қасиеттерін зерттеу; қимадағы таужыныстардың мұнайлы-газдылығының тура және жанама белгілерін анықтау, ықтимал өнімді свиталар мен горизонттарды белу, мұнайлылық-газдылылық келешегін сапалық және сандық турғыдан бағалау.