Пари Сен-Жермен
Пари Сен-Жермен (ПСЖ) — Франция футбол клубы. Францияның тоғыз дүркін чемпионы, Франция кубогының он бір дүркін жеңімпазы.
 Пари Сен-Жермен
| ||||
| Лақап аттары | Қызылды*-көктер | |||
| Құрылған жылы | 1970 жыл | |||
|---|---|---|---|---|
| Стадионы | Парк де Пренс | |||
| Сыйымдылығы | 47427 | |||
| Президенті | Нассер Ганим Хелайфи | |||
| Жаттықтырушы |  Маурисио Почеттино
| |||
| Капитаны |  Маркиньос
| |||
| Жарыс | Футболдан Франция чемпионаты | |||
| 2019/20 | чемпион | |||
| ||||
 Футболдан Франция чемпионаты 2020/21
| ||||
ТарихыӨңдеу
ХХ ғасырдаӨңдеу
1970-71 жылғы маусым басында "Париж" және жаңадан құрылған "Пари Сен-Жермен" клубы біріктіріліп, жарысты Францияның екінші дивизионынан бастады. Сол маусымда-ақ жоғары дивизионға жолдама алды. 1971-72 жылғы маусымның соңына қарай қаржы тапшылығынан команда қайтадан екіге бөлінуге мәжбүр болды. "Париж" жоғары топта қалды да, "Пари Сен-Жермен" әуесқой клубтың бірі ғана боп қалды. Тіпті үшінші дивизионға да түсіп кетті. Бірақ көп ұзамай жоғары дивизионға қайта оралды да, содан қайтадан төменге түскен жоқ.
Алғашқы жүлдесін 1981 жылы жеңіп алды: Франция кубогын иеленді. Осы қарқынмен күшейе отырып, 1985-86 маусымда бірінші рет Франция чемпионы атанды.
ХХІ ғасырдаӨңдеу
2011 жылы клубтың 70 пайыз акциясын Qatar Sports Investments сатып алды. Екі-үш жылдың ішінде клубқа Жереми Менез, Блез Матюиди, Мохаммед Сиссоко, Хавьер Пасторе, Максвелл, Алекс Коста, Тиаго Мотта, Златан Ибрагимович, Тиаго Силва, Эсекьель Лавесси, Марко Верратти, Лукас Моура, Дэвид Бекхэм секілді футболшылар келді де, клуб Франция чемпионатында өзгелерден оқшауланып, алға шығып кетті. 2012/13 жылғы маусымда команда мерзімінен әлдеқайда бұрын чемпион атанды. УЕФА чемпиондар Лигасының ширек финалына шықты.
2016 жылы клуб тізгінін Унаи Эмери ұстады. 2016/17 жылғы маусымда клуб чемпион атана алмады, Чемпиондар Лигасында "Барселонадан" 1/8 финалда ұтылды. Өз алаңында 4:0 есебімен ойсыратқанымен, сырт алаңда соңғы минуттарда үш бірдей гол жіберіп алып, 1:6 есебімен ірі жеңіліске ұшырады.
2017 жылы жазда клубқа Неймар, Килиан Мбаппе, Дани Алвес секілді жұлдыздар келді. Бірақ олар да Чемпиондар Лигасын ұтуға көмектесе алмады, 2017/18 жылы Чемпиондар лигасының 1/8 финалында "Реалдан" жеңіліс тапты (1:3, 1:2). Осы маусымнан соң ПСЖ Франция чемпионы атанғанына қарамастан, Унаи Эмери бапкерліктен кетті. Оның орнына Томас Тухель келді.
2019/20 жылғы маусымда тұңғыш рет Чемпиондар лигасының финалына шықты, бірақ "Бавариядан" 0:1 есебімен жеңілді. Есесіне тоғызыншы рет Франция чемпионы атанды.
2020 жылдың соңында Томас Тухель бапкерліктен кетіп, Маурисио Почеттино келді.
ЖетістіктеріӨңдеу
ХалықаралықӨңдеу
- Кубок иелері кубогы - 1996
- УЕФА суперкубогы - 1996
- Интертото кубогы - 2001
ҰлттықӨңдеу
- Франция чемпионы - 1986, 1994, 2013, 2014, 2015, 2016, 2018, 2019, 2020
- Франция кубогы - 1982, 1983, 1993, 1995, 1998, 2004, 2006, 2010, 2015, 2016, 2018
- Франция суперкубогы - 1995, 1998, 2013, 2014, 2015, 2016, 2017, 2018, 2019
ЖейделеріӨңдеу
      1970–1973
|
 1973–1981
|
 1981–1990
|
1990–2001
|
 2001–2007
|
 2007–2014
|
ҚұрамыӨңдеу
2020/2021
| № | Қақпашылар | Туған күні | Азаматтығы |
|---|---|---|---|
| 1 | Кейлор Навас | 15.12.1986 | Коста-Рика |
| 16 | Серхио Рико | 01.09.1993 | Испания |
| 40 | Гариссон Инносан | 16.04.2000 | Франция |
| № | Қорғаушылар | Туған күні | Азаматтығы |
| 3 | Преснель Кимпембе | 13.08.1995 | Франция |
| 4 | Тило Керер | 21.09.1996 | Германия |
| 5 | Маркиньос | 14.05.1994 | Бразилия |
| 14 | Хуан Бернат | 01.03.1993 | Испания |
| 20 | Лайвен Кюрзава | 04.09.1992 | Франция |
| 22 | Абду Диалло | 04.05.1996 | Франция |
| 24 | Алессандро Флоренци | 11.03.1991 | Италия |
| 25 | Митчелл Баккер | 20.06.2000 | Нидерланд |
| 31 | Колин Дагба | 09.09.1998 | Франция |
| 32 | Тимоте Пембеле | 09.09.2002 | Франция |
| № | Жартылай қорғаушылар | Туған күні | Азаматтығы |
| 6 | Марко Верратти | 05.11.1992 | Италия |
| 8 | Леандро Паредес | 29.06.1994 | Аргентина |
| 12 | Рафинья | 12.02.1993 | Испания |
| 15 | Данилу Перейра | 09.09.1991 | Португалия |
| 21 | Андер Эррера | 14.08.1989 | Испания |
| 23 | Юлиан Дракслер | 20.09.1993 | Германия |
| 27 | Идрисса Гуэй | 26.09.1989 | Сенегал |
| 36 | Кайс Руис-Атиль | 26.08.2002 | Марокко |
| № | Шабуылшылар | Туған күні | Азаматтығы |
| 7 | Килиан Мбаппе | 20.12.1998 | Франция |
| 9 | Мауро Икарди | 19.02.1993 | Аргентина |
| 10 | Неймар | 05.02.1992 | Бразилия |
| 11 | Анхель Ди Мария | 14.02.1988 | Аргентина |
| 18 | Мойзе Кен | 28.02.2000 | Италия |
| 19 | Пабло Сарабия | 11.05.1992 | Испания |