Паровоз
Паровоз — қозғалқыш ретінде бу машинасы пайданылған локомотивтің бір түрі. Онда бу қазаны, бу машинасы және экипаждық бөлік болады. Паровоз өзіне қажет отын, су және жағар май қорларын тіркеме тендермен сүйретіп жүреді. Егер бұлар паровоздың өзінде болса, ол паровоз-танк деп аталады. Паровозға арналған бу машинасы жылу энергиясын шатунды- кривошипті механизм арқылы доңғалақтарды қозғалысқа келтіретін мех. энергияға түрлендіреді. Рама, доңғалақтар жұбы, жүгірме және сүйеме арбалар (бір не екі доңғалақ жұпты), рессора,, сондай-ақ ілінісу тетіктері паровоздың экипаждық бөлігіне жатады. Алғашқы паровоз 1803 жылы (Р. Тревитик) және 1814ж. (Дж. Стефенсон) Ұлыбританияда жасалды. Ресейде тұңғыш паровозды әкелі-балалы Е.А және М.Е. Черепановтар жасады. Біздің елде паровоз шығару 1956 жылы тоқтатылды.
Дереккөздер
өңдеуҚазақ Совет Энциклопедиясы