Партизансай

ПАРТИЗАНСАЙ – Торғай кентінің шығыс жақ іргесіндегі жыра, тарихи орын. 1919 ж. Торғайда төңкеріс жасап, жергілікті өкімет билігін өз қолдарына алған Алаш үкіметінің шешімімен «большевиктің жолында жүрген» 17 адам тұтқындалып, көктемде осы сайда атылған. Олар 1916 жылғы Торғай көтерілісіне белсене қатысқан сарбаздар: Омар Тынымұлы, Хакімбек Төкеұлы, Махмұт Смағұлұлы, Мағау Баймағамбетұлы, Жанділда Бекжанұлы, Бәділда Бекжанұлы, Әбәйділда Бекжанұлы, Шарафитден Әбдірахманұлы, Сәкен Нарымбайұлы, Сәбденұлы, Әубәкіро Бектасұлы, Алпысбай Жарқымбайұлы, Дабай Бұзаубақұлы, Васлий Кулаков, Иван Никитин. Бұлардың ішінен Бәділда Бекжанұлы ғана түн қараңғысында қашып, өзенге секіріп, аман қалған.

Әдеб.: З. М ұ х а м е т ж а н о в, Торғай коммисарлары, А., 1974.

Т.Барақұлы