Патша Артурдың сарайындағы Коннектикуттан шыққан янки

	Патша Артурдың сарайындағы Коннектикуттан шыққан янки
	A Connecticut Yankee in King Arthur's Court
Жанр	роман
Авторы	Марк Твен
Түпнұсқа тілі	ағылшын тілі
Жариялануы	1889 ж.

«Патша Артурдың сарайындағы Коннектикуттан шыққан янки» — америкалық жазушы Марк Твеннің сатиралық әрі фантастикалық романы.

Бұл роман — уақыт бойымен саяхаттаған кейіпкер туралы алғашқы шығармалардың бірі (Герберт Уэллстің «Уақыт машинасы» романынан алты жыл бұрын жазылған). Мұнда монархия мен феодалистік дәстүрлер сынға алынып, олардың мешеулігі мысқылданады.

Шығарма желісі

XIX ғасырдың соңында Коннектикут штатында өмір сүрген бір янки төбелесте басынан жарақат алып, есінен танып қалады. Ал оянғанда, ол британдық Патша Артурдың заманына (VI ғасырға) түсіп қалғанын байқайды. Өткен заманның жұрты оны сиқыршы деп санай бастайды, ал ол осы елге өз дәуірінің жаңалықтарын енгізе бастайды. Бірақ бұнысы рыцарьлар мен шіркеу адамдарының шамына тиеді екен.

Экрандалуы

1921 жылы осы аттас дыбыссыз фильм түсірілген еді.
1931 жылы «Коннектикуттан шыққан янки» деген дыбысты фильм шықты.
1949 жылы фильм-мюзикл шықты.
1960 жылы телевизиялық нұсқа шықты.
1979 жылы Walt Disney «Unidentified Flying Oddball» фильмін шығарады (оның басқаша атауы: «Патша Артурдың сарайындағы ғарышкер»).
1988 жылы КСРО-да «Патша Артур сарайындағы янкидің жаңа хикаялары» деген фильм шығады.
1995 жылы «A Kid in King Arthur's Court» фильмі шығады, оны да Walt Disney компаниясы шығарған.

Одан басқа да фильмдер осы романның негізінде түсірілді.

Сілтемелер

Роман Standard Ebooks сайтында