Пелядь

Пелядь (Coregonus peled) – албырт тұқымдасына жататын балық. Жоғарғы жақ сүйегі төменгі жақ сүйегінен шығыңқы, қара қоңыр түсті, жүзу қанаттары қара дақты, дене тұрқы 40- 55 см, салмағы 2,5- 3 кг, ішінара 4- 5 кг. Евразия өзен, көлдерінде кездеседі, жыныстық жағынан 3- 5 жылда жетіледі, қараша- желтоқсан айларында 29- 105 мың уылдырық шашады. Уылдырығы сары, диаметрі 1,5мм. Өзенде кездесетін Пелядьтің дене тұрқы 50см, салмағы 1,5кг, жыныстық жағынан 3 жылда жетіледі, уылдырығын күзде шашады. Сахалинде көл- өзендерде мекендейтін Пелядьтің дене тұрқы 30- 60см, салмағы 400г- нан 2кг-ға дейін, кәсіптік маңызы бар. Пелядь ұсақ омыртқасыздар, көбіне шаян тәрізділермен қоректенеді.