Петерстің еттұмсықты иті

Петерстің еттұмсықты иті
	;
Амандық күйі
	; Least Concern
Ғылыми топтастыруы
Дүниесі:	Жануарлар;
Жамағаты:	Хордалылар;
Табы:	Сүтқоректілер;
Сабы:	Секіргіштер;
Тұқымдасы:	Секіргіштілер;
Тегі:	Rhynchocyon;
Түрі:	R. petersi;
Екі-есімді атауы
	Rhynchocyon petersi ; (Бокаже, 1880)
	;

Петерстің еттұмсықты иті немесе қызғылт иықты еттұмсықты ит — Африкада мекендейтін секіргіштер тобына жататын сүтқоректі. Атауы неміс зоологы Вильгельм Петерстің (1815—1883) құрметіне берілген.

Сипаттамасы

Денесінің ұзындығы 22 см-ден 30 см-ге дейін болады, құйрығының ұзындығы 25 см-ге жуық, жалпы салмағы — 500 г.

Өзіне тән белгілері

Бетінің ұшы еттұмсыққа ұқсас, басы, иығы және іші қызғылт түсті, қалған дене бөлігі қара түске боялған. Аяқтары ұзын және жіңішке, алайда артқы аяғы алдыңғыдан ұзын болып келеді. Құлақ қалқанының кіші болғанына қарамастан, есту қабілеті жақсы дамыған.

Өмір салты

Барлық еттұмсықты иттер секілді бұл жануарлар тек құрлықта өмір сүреді. Күндіз белсенді болады, ал түн жақындағанда органикалық материалдардан кішкентай шұңқырларға ұя салады. Бұл жануарлар ұзақ уақыт бойы жұптасып өмір сүреді және территориалды болады. Олар омыртқасыздарды (жәндіктер мен молюскілер), кейде кіші көлемдегі омыртқалыларды қорек етеді.

Көбеюі

Ұрғашысы өмір бойы біреу немесе екеу туады, олар 2 аптадан соң өз інін тастап, аналығынан алыстай бастайды. Шамамен 4-5 жылға өмір сүреді.

Таралуы

Бұл түр Кенияның оңтүстік-шығысы мен Танзанияның солтүстік-шығысында және жақын маңдағы аралдарда таралған.

Табиғи мекен ету ортасы — ормандар, оның ішінде жағалауға жақын ормандар мен дөңді аймақтар.