Пионер (фр. pіonnіer — жол салушы, бастаушы) —
- Ғылымда, техникада, өнерде жаңа жол салушы, бастамашы адам;
- Кеңес өкіметі кезіндегі оқушылардың В.И. Ленин атындағы Бүкілодақтық Пионер ұйымының және бірқатар шетелдердегі демократиялық балалар ұйымдарының мүшесі. Алғаш рет 1922 жылы Мәскеуде құрылған коммунистік балалар топтарының мүшелері Пионер деп аталды. Пионер ұйымының талаптары мен жұмыс бағдарламасы “Пионерлердің салтанатты уәдесінде”, “Пионерлер заңдарында”, “Кеңес Одағы Коммунистік партиясының ісі үшін дайын болыңдар!” девизінде және “Әрқашан да дайынбыз!” деген жауаптарында белгіленді. Олардың символдары қызыл ту, қызыл жалауша, қызыл галстук, омырау белгі; атрибуттары горн, барабан, бір үлгідегі киім; салттары салют, сапқа тұру, линейка, ту алып шығу, жалауды көтеру, дәстүрі Пионер алаулары, т.б. түрлі мерекелер болды. Оқуда, еңбекте, спортта, қоғамдық жұмыста айрықша көзге түскен Пионерлер Бүкілодақтық Пионер ұйымының Құрмет кітабына жазылды. Сонымен қатар үкімет тарапынан марапатталып, наградалар, тіпті КСРО-ның ең жоғарғы атақтары да беріліп отырды. Кеңес Одағының Батыры атағына 4 Пионер, Социалистік Еңбек Ері атағына 2 Пионер ие болған. 1974 жылы Пионер ұйымдарында 25 млн., Қазақстанда 1975 жылы 1 млн. 718 мың 643 Пионер болды.[1]
- Пионер ауылы
- Пионер газ кен орны
Дереккөздер
өңдеу
