Платформалық тыс

Платформаның үстіңгі құрылымдық қабатын қүрайтын, негізінен алғанда мүлдем метаморфтанбаған және қатпарланбаған (кейде азын-аулақ еңістенген) шөгінді таужыныстардың онша қалың емес қабаты; Платформалық тыс рөлін сирегірек жанартаутекті-шөгінді немесе таза жанартаутекті таужыныстар да атқаруы ықтимал, соңғы жағдайда олар әдетте "траптық формация" түріңде оқшауланады. Платформалық тысқа тиесілі таужыныстардың қабаты төменгі құрылымдық қабаттан, яғни платформаның кристалдық іргетасынан өте анық аймақтық үйлесімсіздік арқылы дараланады. Синонимдері — "платформаның үстіңгі құрылымдық қабаты (қатары)"; "платформаның үстіңгі құрылымдық жікқабаты"; "iөгіндітыс"; "шөгіндіжамылғы".[1]

Дереккөздер өңдеу

  1. Мұнай және газ геологиясы танымдық және кәсіптік-технологиялық терминдерінің түсіндірме сөздігі. Анықтамалық басылым.- Алматы: 2003. ISBN 9965-472-27-0