Пол Скоулз
Пол Арон Скоулз (ағылш. Paul Aaron Scholes; 16 қараша 1974 жыл[1], Солфорд, Үлкен Манчестер, Англия) — англиялық футболшы, жартылай қоғраушы, футбол жаттықтырушысы.
Пол Скоулз  | |||||||||||||||||||||||||
 | |||||||||||||||||||||||||
| Жалпы мағлұмат | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Туған күні | |||||||||||||||||||||||||
| Туған жері |
Солфорд Англия | ||||||||||||||||||||||||
| Азаматтығы | |||||||||||||||||||||||||
| Бойы |
168 | ||||||||||||||||||||||||
| Салмағы |
70 | ||||||||||||||||||||||||
| Клуб жайлы ақпарат | |||||||||||||||||||||||||
| Клуб |
карьерасын аяқтады | ||||||||||||||||||||||||
| |||||||||||||||||||||||||
Карьерасы өңдеу
Клубтық өңдеу
Скоулз 14 жасынан бастап "Манчестер Юнайтед" академиясында жаттыға бастады. 1993 жылы клубпен тұңғыш келісім шартын жасасқанымен, ресми ойындарға 1994/95 жылғы маусымда ғана қатысты. Эрик Кантонаның дисквалификациясы мен Марк Хьюздің жарақаты Скоулзға жол ашты, 1994 жылы 21 қыркүйекте тұңғыш ойынын өткізді. Бұл лига кубогы матчы болатын.
Үш күннен соң Премьер лигадағы тұңғыш ойынын "Ипсвич Таунға" қарсы өткізіп, екі гол соқты.
1998/99 жылғы маусым қорытындысында "Манчестер Юнайтед" Премьер-лигада, Англия кубогында, УЕФА Чемпиондар лигасында топ жарды. Осы жетістіктерге Пол өлшеусіз үлес қосты. 1999 жылы 17 наурызда Миланда "Интер" қақпасына гол соқты, "Манчестер Юнайтед" "Сан-Сирода" соңғы рет 1984 жылы гол соққан екен, Пол Скоулз сол жағымсыз серияны бұзды.
1999 жылғы табысты маусымнан соң клуб жетекшілігі Скоулзды әлемдік деңгейдегі футболшы ретінде мойындады. Пол ұзақ жылдар бойы ортаңғы шепте Рой Кинмен тізе қосып ойнады.
Ұзақ жылдар бойы клубтың негізгі құрамында ойнаған Скоулз 2011 жылы жазда карьерасын аяқтады.
2012 жылы қаңтарда сегіз айлық үзілістен соң карьерасын қайта жаңғыртатынын мәлімдеді де, 8 қаңтарда "Манчестер Ситиге" қарсы кубок ойынында алаңға шықты. 14 қаңтарда Англия чемпионатындағы "Болтонға" қарсы ойында гол да соқты. "Бұл керемет болды. Атақты ойыншылардың футболмен қоштасқанын көру өте аауыр тиеді, әсіресе олар өте жоғары деңгейде ойнап жүрсе. Скоулздың футболдан кеткені жаныма қатты батқан, өйткені ол әлі командаға керемет пайдасын тигізе алатын еді. Қайта оралғанына шексіз қуаныштымын" деп ағынан жарылды "Манчестердің" бапкері Алекс Фергюсон.
2012/13 жылғы маусым қорытындысында "Манчестер Юнайтед" тағы да Англия чемпионы атанды. Осы маусымнан соң команда бапкері Алекс Фергюсон да, Пол Скоулз да клубтан біржола кетті.
Ұлттық құрама өңдеу
Скоулз 1998, 2002 жылдары әлем чемпионатына, 2000, 2004 жылдары Еуропа чемпионатына қатысты. 2004 жылғы Еуропа чемпионатынан соң отабсына көбірек уақыт бөлу мақсатында құрамамен қоштасты.
Клубтық жетістіктері өңдеу
Манчестер Юнайтед өңдеу
- Англия чемпионы (11): 1995/96, 1996/97, 1998/99, 1999/2000, 2000/01, 2002/03, 2006/07, 2007/08, 2008/09, 2010/11, 2012/13
- Англия кубогы (3): 1995/96, 1998/99, 2003/04
- Лига кубогы (2): 2008/09, 2009/10
- Англия суперкубогы (5): 1996, 1997, 2003, 2008, 2010
- Чемпиондар лигасы (2): 1998/99, 2007/08
- Құрлықаралық кубок: 1999
- Клубтар әлем чемпионаты: 2008
Жеке жетістіктері өңдеу
- Англия футболының құрмет залы: 2008
- Премьер лиганың үздігі (4): қаңтар 2003, желтоқсан 2003, ақпан 2006, тамыз 2010