Помпоний Амальтео
Помпоний (Помпонио) Амальтео (ағылш. Pomponio Amalteo; 1505—1588) — XVI ғасырдың әйгілі итальяндық суретші.
| Помпоний Амальтео | |
| Pomponio Amalteo | |
| Туған күні | |
|---|---|
| Туған жері |
Италия |
| Қайтыс болған күні | |
| Қайтыс болған жері |
Италия |
Биография
өңдеуБЕЭС-не сенсек, Помпоний Амальтео Сан-Вито-аль-Тальяменто қаласында (басқа деректер бойынша, Мотта-ди-Ливенца қаласында) 1505 жылы дүниеге келді.
Амальтео сурет салуға Джованни Антонио Порденоннан (итал. Il Pordenone; 1484—1539) үйренген. Ол оның қызына үйленген және оның сурет салуына, әсіресе, фресканың шебер орындауына барынша еліктеген.
1533 жылы Сан-Вито-аль-Тальяментода Амальтео собордың әулиелерінің фигурасын салды. Көбісінің ойынша, оған Тицианның стилі әсер еткен. Кейінірек, Помпоний Амальтео Ценеда ратушында «Сузаннаның тарихы», «Соломонның соты» және басқа да жұмыстарды салды. 1536 жылдан ол қайтадан Сан-Вито-аль-Тальяменто қаласында өмірінің соңына дейін жұмыс істейді. Санта-Марии-де-Баттути атты христиандық шіркеуде хорды және көптеген інжіл суреттері бар күмбезді бояйды. Оның басқа жұмыстары Продолонда, Удинде, Казарзеде және Вальвазонда орналасқан. Қазіргі заманның бейнелеу өнерінің негізін қалаушы Джорджо Вазари оның жұмыстарын тым жоғары бағалады.
Помпоний Амальтео 1588 жылдың (БЕЭС ақпараты бойынша, 1584 жылы) 9 наурызында Сан-Вито-аль-Тальяменто қаласында қайтыс болды.
Отбасы
өңдеуПомпонийдің ағасы миниатюрлы кескіндемемен, ал қызы Квинтилия сурет салу және мүсіндерді жасаумен айналысты.