Понтон

Понтон (фр. ponton, гр. pons — көпір) —

1. Cуда әр түрлі құрылғыларды ұстап түру үшін ағаштан, металдан, пластмассадан, резеңкеленген матадан немесе темір-бетоннан жасалатын карапайым жүзу құралы. Понтондар қалқыма көпірлер немесе сал қайықтардың жүзбелі тірегі ретінде понтон парктерінде, сондай-ақ жеке көлік құралы ретінде қолданылады. Понтондар ашық және жабық (палубалы) болып келеді. Понтон суда өзінің қозғалтқышының, борт сыртындағы агрегаттардың көмегімен жылжынды немесе тіркемелі және ескекті болады. Таспалы-көпір понтондары мен таспалы-сал қайықтар құрамына тірек конструкциялары және жүзу бөлігінің элементтері кіреді. Понтондар жүзбелі доктардың (кеметұрақтардың), көтергіш крандардың, кемежайлардың, жер казғыштардың және басқа құрылыстардың тіреуі ретінде қызмет етуі мүмкін, сондай-ақ өзендерде, каналдарда, таяз теңіз өңірлерінде теренде жүзетін кемелерді тасымалдау үшін қолданылуы мүмкін;
2. Қатты (металлдан) немесе жұмсақ (резеңкеленген матадан) жасалған, батып кеткен кемелерді көтеруге қолданылатын цилиндрлі сыйымдылықтар.