Поролон

Поролон — көпіршікті полиуретанның бір түрі. Көпіршікті полиуретан өнеркәсібіне қажет заттар құрамында изоцианат, гидроксил тобы бар олигомер, су катализатор, эмульгаторлар, кейде толықтырғыштар, бояу және антипирон болады. Поролон көбіне диизоцианаттар мен гликольдерден сатылы полимерлену реакциясы арқылы алынады. Реакция жылдамдығын реттеу үшін катализатор (қалайы қосылыстары мен бір не оірнеше аминдерден тұратын қоспа) пайдаланылады. Поролон жұмсақ мебель, киім, ұлтан, кілем т. б. заттар жасауда, сынатын заттарды орауда кең қолданылады.