Портал:Солтүстік Америка/Таңдаулы мақала

Ванкувер аралы — Тынық мұхитта, Солтүстік Американың батыс жағалауларындағы ең ірі арал. Құрлықтан бұғаз, шығанақтармен бөлінген. Солтүстік-батыстан оңтүстік-шығысқа қарай 500 км-ге созылған, ені 65 — 70 км. Аумағы - 32,2 мың км2. Арал түгелге жуық биікт. 2200 м-ге дейінгі тау жотасынан тұрады. Батыс жағалауы фьордты, шығысы жазық келеді. Жер бедерінің қалыптасуында мұздық пішіндердің басымдығы байқалады. Климаты қоңыржай теңіздік. Жауын-шашынның жылдық орташа мөлш. 2000 мм-дей. Аралда түгелдей қылқан жапырақты орман өседі. Балық шаруашылығы дамыған. Басты қаласы әрі порты — Виктория. Ағылшын зерттеушісі Джордж Ванкувердің есімімен аталған.