Портал:Футбол/Кіріспе

Футбол — (ағылш. foot — аяқ, ball — доп) спорттың командалық ойын түрі. Футбол — әлемге аса танымал ойындардың бірі. Ойынның негізгі мақсаты қарсылас команданың қақпасына аяқпен немесе басқа да дене мүшелерімен (қолдан басқа) қарсылас команда салған саннан көбірек доп салу болып табылады. Ойынға 11 ойыншыдан екі команда қатысады. Олар өз қақпасын қарсылас команданың соққыларынан қорғайтын бір қақпашы, қорғаушылар, шабуылшыларға доп алып шығатын жартылай қорғаушылар және қарсылас команданың қақпасына доп салуға тырысатын шабуылшылар болып бөлінеді.