Пржевальский атындағы көше (Алматы)

Пржевальский атындағы көше (Алматы) Көшеге орыс жиһангері, жазушы, Орта Азияны зерттеуші географ, генерал-майор, Петербор Ғылым академиясының құрметті мүшесі Николай Михайлович Пржевальскийдің есімі (Алматы қаласы атқару комитетінің 12.12.1956 №31 шешімі) берілген. Пржевальский Николай Михайлович (1839-1888) Смоленск облысы Починков ауданында дүниеге келген. Ол Орталық Азияның көптеген жерлерінің табиғатын алғаш жазған, жоталы тауларды, қазан шұңқырларды, көлдерді ашқан. Көше Жетісу ауданында орналасқан. Маяковский көшесінен басталып, Рысқұлов даңғылына дейін жалғасып жатыр. Көшенің ұзындығы - 900 метр.