Пьезоэлектриктер

Пьезоэлектриктер - белгілі бағытта қысым түсіргенде не созғанда электр өрісі болмаса да электрлік поляризациялану пайда болатын кристалл заттар. Бұл құбылыс тура пьезоэлектрлік эффект (пьезоэффект) деп аталады. Керісінше, электр өрісі әсер еткенде мех. Деформация пайда болу құбылысы – кері пьезоэффект деп аталады. Пьезоэффектті алғаш рет 1880 ж француз физиктері, ағайынды Ж. және П.Кюри кварц кристалы арқылы зерттеген. Пьезоэффект 1500 – дене аса заттарда анықталды. Олардың ішінде сегнет тұзы, барий титаны, т.б. практикада кеңінен қолданылады. Кристалдардағы пьезоэлектрлік қасиет олардың құрылымына байланысты болады. Мұндай қасиет – барлық пироэлектриктерге тән. Пьезоэлектриктер пьезоконстанталармен – эл. Және мех. Шамалар арасындағы пропорционалдық коэффтермен сипатталады. Пьезоэлектриктер медицинада, техникада, лабораториялық тәжірибелерде, т.б. пьезоэлектрлер Түрлендіргіш ретінде кеңінен қолданылады.

Дереккөздер

Қазақстан ұлттық энциклопедиясы. 7 том.(Н-С) Алматы, 2005 жыл