Пьетро Секкья

Пьетро Секкья(Secchia) (19.12.1903, Оккьеппо - Супериоре, Биелла қаласы маңы,-07.07.1973, Рим) - итальян жұмысшы қозғалысының қайраткері.1919 жылы социалды жастар қозғалысына қосылды. 1921 жылдан Итальян компартиясының (ИКП) мүшесі. Коммунистік жастар қозғалысының ұйымдастырушылардың және оның басшыларының бірі. 1924 жылы Жастардың коммунистік федерациясы ОК-ге және Секретариатына мүшесі болып сайланды. Коминтерннің 5 - конгресіне қатысты. 1928 жылдан алдымен ИКП ОК-нің, кейіннен Саяси бюросының мүшесі. 1931 жылы тұтқындалып, 1943 жылға дейін түрмеде және айдауда болды. 1943 - 45 жылдары Секкья - партизан қозғалысы басшыларының бірі және Гарибальди бригадаларының бас комиссары болып тағайындалған. 1946 жылы Құрылтай жиналысының депутаты, 1948 жылдан сенатор. 1948 - 54 жылдары ИКП-ның бас хатшысының орынбасары, 1945-56 жылдары ИКП-ның Басшылығының мүшесі болған.

Қолданылған әдебиет

Қазақ Совет энциклопедиясы, 1976 жыл, Алматы,10 том, 107 бет