Пэй Вэнь-Чжун

Пэй Вэнь-Чжун (3. 12. 1904 ж. т., Пекин) —қытай археологы, палеонтологы, антропологы. Қытайдағы тас дәуірін зерттеуші ғалым. 1928—37 ж. Чжоукоудяньға таяу жердегі қазба жұмысына қатысқан, мүнан синантроптардың сүйектерін, төменгі палеолиттегі тас қаруын, синантроптың отты пайдаланғанын білдіретін қалдықтарын (1931) тапқан. 1930—34 ж. жоғары палеолит қонысы Шандиндунды ашып зерттеді. Кейінірек Солтүстік-Батыс Қытайдағы неолитті қарастырды. 1951 ж. жоғары палеолиттегі цзыян маңының болған жеріне, 1956—58 ж. Гуанси аймағындағы үңгір қонысына зерттеу жүргізді.