Радиобақылау

Радиобақылау — әскерлерді жасырын басқару талаптарының орындалуын, жұмыс тәртіптерін, радиобүркеніш шараларын, техникалық пайдалану және радиобайланысты жүргізу ережелерін тексеру мақсатында радиобайланыс жұмысына белгіленген тәртіпті бақылау.

Ол радиобайланыстың жұмыс тәртібін, ақпарат беру үшін радиоқұралдарды қолдану уақыты мен орнын белгілейтін штабтар тарапынан ұйымдастырылады.

Радиобақылау бейбіт және соғыс уақыттарында әскерлердің (күштердің) қызметтерінің барлық түрлерінде жүргізіледі. Радиобақылауды жүзеге асыру үшін радиобайланыс бөлімшелерінен радиобақылау пункттері құрылады.