Радиотелефон

Радиотелефон байланысы - телефон хабарларын радио толқындар арқылы таратуға мүмкіндік беретін электірлік байланыс. Радиотелефон байланысында таралатын дыбыстық тербелістер микрофон көмегімен дыбыстық жиіліктегі электр сигналдарына түрленеді де, радио таратқыш генераторында қоздырылған жоғары жиілікті тасымалдаушы тербелістерді модуляциялайды. Модуляцияланған тербелістер электро-магнит толқын түрінде антенна арқылы кеңістікке тарлады. Қабылдаушы антеннада бұл радиотолқындар электр тербелістерін тудырып, ол тербелістер радиоқабылдағышта күшейтіледі және кері модуляцияланып сигнал ажыратылып алынады. Алынған электр сигналы телефонға жіберіліп, дыбысқа түрлендіріледі. Радиотелефон байланысы бір-бірінен өте қашық орналасқан жылжымалы нысандар арасында (мыс, ғарыш кемесі, мұхиттағы кемелер, ұшақтар мен Жер арасында) және алыс орналасқан елді мекендермен, т.б. байланыс орнатуға тиімді.