Райхан Мәженова

Мәженова Райхан (7 мамыр 1956 жылы туған) - жазушы, баспагер, ғалым-педагог, Қазақстан Республикасының мәдениет қайраткері

Өмірі

Мәженова Райхан 1956 жылы 7 мамыр айында Алматы облысы, Райымбек ауданында дүниеге келген. Абай атындағы Қазақ педагогикалық университетін 1978 жылы бітірді. Еңбек жолын Сарыжаз орта мектебінде мұғалім болудан бастады. 1979 - 94 ж. "Мектеп" Баспасында редактор болып, 50-ден астам оқулықты басып шығарған. 1994 жылдан ҚР Медениет және ақпарат министірлігінде баспа бағдарламаларын қалыптастыру және кітап өнімінің сапасын бақылау бөлімінің бастығы болып істейді. Мәженова Райхан кәсіби баспагер ретінде республикамызда баспа ісін қалыптастыру және мемлекеттік бағдарламаларды жүзеге асыру жолында көп еңбек сіңірді.

Кітаптары

Әдіскер-ғалым "Санауды үйренйік" (1995),
"Гүлге тұнған шық" (1997),
"Ер тағдыры - ел тағдыры"
(1997), "Балдырғандарға арналған математика"
(2000), "Оралхан" (2000),
"Мектеп жасына дейінгі балалардың математикаға қызығушылығын халықтық педагогика негізінде қалыптастыру" (монография, 2001),
"Арман қанатында" (2004, жинақ),
"Қазақтың баспагерлері" (2005),
"Бәрін, бәрін білгім келеді..." (2006) және т.б кітаптардың авторы.

Еңбегі мен марапаттары

Мәженова Райхан Балаларға арналған әдебиет пен физика, математика, астрономия, т.б. оқулықтар мен оқу құралдарын қазақ тіліне аударған. Мәженова Райхан Баспа және полиграфия ісінің қайраткері (5005), Қазақстан Республикасының мәдениет қайраткері (2006).

Дереккөздер

• Қазақстан ұлттық энциклопедиясы.