Райымбек Әбулақап

Райымбек Әбулақап (1923 жылы туған), ақын, филология ғылымдарының кандидаты. Ұлытау ауданының түлегі.

Қазақ мемлекеттік университетінің журналистика бөлімін бітірген (1958). 1958-1963 ж. Ұлытау ауданының «Шеңбер» кеңшарында, Жезқазған кенішінде, №22 кәсіптік училищеде мұғалім, тәрбиеші-оқытушы болды. ҚазМУ-дің аспирантурасына түсіп (1963), «Жұмысшы табы қазақ кеңес поэзиясында» деген тақырыпта кандидаттық диссертация қорғады (1966). 1966-1986 ж. Ташкент педогогика институтында оқытушы, Қаз КСР ғылым академиясының Әдебиет және өнер институтының ғылыми қызметкері, ҚазМУ-дің журналистика факультетінің доценті.

100-ден астам зерттеулер мен сын мақалалардың (оның ішінде 2 монография) авторы.

• Жез қазғандар» (1961),
• «Тау ұлы» (1963),
• «Жездария» (1969),
• «Құрыш білек» (1975),
• «Құштар көңіл» (1983),
• «Жұлдыздарым» (1989),
• «Кешіккен махаббат» (таңдамалы, 1991),
• «Арман махаббат» (Таңдамалы, 1995) жыр жинақтарының авторы.