Ракетаның жойғыш бөлігі

Ракетаның жойғыш бөлігі (Боевая часть ракеты) — ракетаның тікелей нысананы жоюға арналған элементі. Ол корпустан, ұрыс зарядынан, жарғыш құрылымнан, тежегіш-орындау механизмінен және т. б. тұрады. Ракетаның жойғыш бөлігінде ядролық заряд немесе жай жабдық (фугастық, жарықшақты, кумулятивті, өзекті, кассеталы, өртегіш және т. б.) болуы мүмкін. Жойғыш бөлік көбіне ракетаның басты бөлігінде орналастырылады. Ұшуда жойғыш бөлік ракетаның корпусымен байланысы бойынша жекеленетін және жекеленбейтін болып бөлінеді. Жекеленетін жойғыш бөлік бір блокты және бөлінетін болуы мүмкін.