Рамазан Құмарбекұлы Сәрпеков

Рамазан Құмарбекұлы Сәрпеков

Рамазан Құмарбекұлы Сәрпеков

1955 жылы 11 желтоқсанда Алматы облысының Панфилов қаласында туған. Қазақ. Суан руынан шыққан.

С.М. Киров атындағы Қазақ мемлекеттік университетінің заң факультетін бітірген (1982), заңгер.

Қазақ, орыс және ұйғыр тілдерін біледі.

«Нұр Отан» ХДП мүшесі (2004 жылдан).

1973 жылдың мамыр айынан - ұжымшарда құрылысшы. 1974 жылдың мамыр айынан - Кеңес Әскерінің қатарында қызметте. 1976 жылдың шілде айынан - «Электромонтаж» мамандандырылған басқармасының электр монтажшысы. 1981 жылдың тамыз айынан - Алматы қаласы Әуезов жөндеу-құрылыс басқармасы кадрлар бөлімінің инспекторы. 1982 жылдың тамыз айынан - Торғай облысы Жангелдин аудандық прокуратурасының тергеушісі. 1986 жылдың қыркүйек айынан - Торғай облыстық прокуратурасының АМІ жөніндегі аға тергеушісі. 1988 жылдың мамыр айынан -Қостанай облысы Амангелді аудандық прокуратурасының тергеушісі. 1989 жылдың шілде айынан - Қостанай облысы Амангелді аудандық сотының төрағасы. 1994 жылдың ақпан айынан - Торғай облыстық соты төрағасының орынбасары. 1995 жылдың қараша айынан - Торғай облыстық сотының қылмыстық істер жөніндегі алқасының төрағасы. 1997 жылдың маусым айынан - Арқалық қаласындағы аймақтық сот құрамының төрағасы. 1999 жылдың шілде айынан - Қостанай облыстық сотының судьясы. 1999 жылдың қазан айынан - ҚР Парламенті Мәжілісі 2-ші шақырылымының депутаты, Заңнама және сот-құқықтық реформа комитетінің мүшесі. 2005 жылдың наурыз айынан -ҚР Әділет министрлігі Тіркеу қызметі комитеті төрағасының бірінші орынбасары. 2006 жылдың қараша айынан - ҚР Бас прокуратурасы Аппаратының жетекшісі.

2007 жылдың тамыз айынан бері - ҚР Парламенті Мәжілісі 4-ші шақырылымының депутаты, Заңнама және сот құқықтық реформа комитетінің мүшесі.

ҚР Әділет Біліктілік коллегиясының мүшесі. ҚР Парламенті Мәжілісіндегі «Нұр Отан» ХДП фракциясы төралқасының мүшесі.

«Құрмет» орденімен (2006); «Қазақстан Республикасының тәуелсіздігіне 10 жыл» (2001), «Тыңға 50 жыл» (2004), «Қазақстан Конституциясына 10 жыл» (2005), «Қазақстан Парламентіне 10 жыл» (2005), «Қазақстан Республикасының Конституциялық Кеңесіне 10 жыл» (2005), «Астананың 10 жылдығы» (2008) медальдарымен марапатталған. ҚР прокуратурасының Құрметті қызметкері (2002). Аға әділет кеңесшісі.

Діни көзқарасы - ислам.

Қазақстанның болашағы туралы болжамы - «Әлемнің бәсекеге қабілетті 50 елінің қатарына қосылу».

Хоббиі - автомобильмен саяхатқа шығу, кітап оқу.

Сүйіп оқитын әдебиеті - қазақ әдебиетінің классикасы, шығыстың ойшыл-философтары.

Үйленген. Жұбайы - Сәрпекова (Мейрамова) Жанат Тоқтарбайқызы (1963 жылы туған), нотариус. Қыздары – Сәрпекова Гүлмира Рамазанқызы (1984 жылы туған), Құмарбекова Қаламқас Рамазанқызы (1992 жылы туған), Құмарбекова Айнұр Рамазанқызы (2000 жылы туған); ұлы - Сәрпеков Жасұлан Рамазанұлы (1988 жылы туған).