Ратушный атындағы көше (Алматы)

Ратушный атындағы көше (Алматы) Көшеге Алматы қаласының көркеюіне елеулі үлес қосқан шебер, Қазақстан Республикасының еңбек сіңірген сәулетшісі Юрий Григорьевич Ратушныйдың (1935-1996) есімі (Алматы қаласы әкімінің 20.11.1997 №695 шешімі) берілген. Ю.Г. Ратушныйдың жобасымен Республика сарайы (1970), «Қазақстан» қонақ үйі (1978), Офицерлер Үйі 1978), Республикалық Орталық тарихи мұражай (1985), «Алатау» демалыс орны (1986), ДОСААФ ғимараты (1986), «Достық» қонақ үйі (1983) салынған. Көше Жетісу ауданында орналасқан. Рысқұлов даңғылынан басталып, Серіков көшесіне дейін созылып жатыр. Көшенің ұзындығы - 1050 метр.