Рахмегуллина Әсия
Рахмегуллина Әсия — баспагер.[1]. 1924 жылы Батыс Қазақстан облысындағы Забурун ауылында туған. 1944 жылы Гурьев (қазіргі Атырау) қаласында педагогикалық училищені (сырттай), ал 1949 жылы Алматыда С.М.Киров атындағы Қазақ мемлекеттік университетінің филология (қазақ бөлімі) факультетін бітірген. 1942 жылы Гурьев облысы, Новобоғатин ауданындағы Куйбушев атындағы орта мектепте мұғалім, оқу ісінің меңгерушісі болып істеген. 1949-1952 жылдар аралығында ҚазМУ-дың аспирантурасында оқыған. 1953 жылдан 1964 жылға дейін "Қазақ мемлекеттік оқу педагогика баспасының" редакторы, бас редактордың орынбасары, 1967 жылдан зейнет демалысына шыққанға дейін осы баспада аға редактор болған.
Ұлы Отан соғысындағы жеңістің 30 жылдығы, 50 жылдығы, 60 жылдығы медальдарымен, "Халық ағарту ісінің үздігі", "Баспасөз ісінің үздігі", "Еңбек ардагері" белгілерімен марапатталған.
Дереккөздер
өңдеу- ↑ Қазақстан баспагерлері мен полиграфистері. Анықтамалық. Алматы, "Білім" баспасы. 2005 жылы — 576 бет.ISBN 9965-09-134-Х
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|