Рашид қаласы

Рашид қаласы (Египет) – Египеттегі Бухейра губернаторлығының қаласы және аудан орталығы. .

Жерорта теңізінен 5 км қашықтықта орналасқан. Халық саны 64 429 адам (2005 жылғы халық санағы бойынша). Ежелгі египеттіктер қаланы Рахит деп атаған. Негізінен қала 800-жылдар шамасында қалыптасқан. Орта ғасырларда қала маңызды сауда орталығы ретінде болады. Батыс елдерінде қала Розетта деген атпен танымал болды. 1798-99 жылдары Наполеон Бонапарттың Египетке жасаған жорығы кезінде, нақтырақ айтқанда 1799 жылы әскері розетта атты тасты тауып алады. Осының негізінде қаланың атын да осылай атау қалыптасады. Қаланың солтүстігіне жақын жерде көне заманда Болбитин қаласы болған. Рашидте мамлюктер мен Осман империясының кезінде тұрғызылған 12 тарихи мешіт пен 22 тарихи құрылыс бар. Шаруашылығы финик (сонымен қатар қаланы Миллион пальма қаласы деп атайды) және күріш өсіруге негізделген және қалада жылына 1000-ға дейін яхта дайындалады.