Реактивті қондырғы

Реактивті қондырғы (Реактивиая установка) — реактивті снарядтармен ұрыс жүргізуге арналған оқатар қару. Қондырғының негізгі бөлігі реактивті снарядтар қондырғыларына бағытталғышы бар ергенек болып саналады. Бағытталғыштар саны қондырғы қанша дүркін ататындығын анықтайды. Бағытталғышы бар ергенек автокөлік шассиінде немесе арнайы машиналарда орнатылады. Снаряд заряды электр тоғымен тұтандырылады. Снарядтар бағыттағыш анықтайтын бағыт пен қашықтыққа реактивті күш әсерімен ұшады. Жарылатын заряд кедергіге (жерге, танкіге, ағашқа, т.б.) соғылған кезде жарылып, қарсыласқа жарықшақты-фугасты соққы береді.