Реактология

Реактология — жоғары сатыдағы жануарлар мен адамдардың мінез-құлық түрі ерекшеліктерінің нәтижесі деп қарастыратын механистік концепция. Реактологияның негізін орыс психологі К.Н. Корнилов (1879-1957) қалады. Реактологияның басты ұғымы — тірі организмнің ортаға бейімделі қимыл әрекетінің жылдамдығын, әсерін және реакцияның өту түрлерін әртүрлі әдістер арқылы қарастыру. Реактология өкілдерінің ұйғарымынша, рефлекстік түйсікті «реакция» ұғымы деңгейіне дейін көтермелеу арқылы психологияның объективті және субъективті жақтарын «қосақтау» мүмкіндігі артады. Бірақ мұндай синтездеуде жасандылық, сырттай формальді үйлестік айқын.