Ребус белгілі бір суретті, немесе әріптерді жасыру арқылы жасалынатын тапсырма.

Ребус – ең қызықты, әрі оңай жасырылатын бас қатырғыш. Мұндай бас қатырғыштар мектеп жасындағы балаларға өте қызықты әрі пайдалы. Ребусты шешу арқылы балалардың сөздік қоры дамып, сонымен қатар ойлау интелекті жақсы дамиды. Сонымен қатар есте сақтау қабілеті жақсарып, жаңа сөзді еске сақтап, синоним сөздерді жаттап алуы оңай болады. Ребус сөзі латынның «res» зат (вещь) деген сөзінен шыққан. Ребус сөзі « Non verbis sed rebus» яғни аудармасы «Сөзбен емес затпен көрсету» дегенді білдіреді. Ребус білім беруде қай заманда болсын әрқашанда өте маңызды роль атқарады. Ежелгі адамдарда тасқа суретті қашап жазу арқылы бір бірімен хат алмасқан. Және бұл тасқа салынған суреттер уақыт өте келе әріптерге айналған. Ең алғашқы ребус туралы басылым 1582 жылы Францияда «Этьеном Табуроктың ребусы» жарық көрді. Ресейде ребус 1845 жылы «Иллюстарция» журналында жарық көрді. Сонымен қатар суретші Н.Волковтың «Нива» журналына жасалған ребустары өте кең тарады. Мысалы қазір біз көріп, жасап жүрген ребустар XV ғасырдың ортасында Францияда пайда болған. Уақыт өте Англияда, Германия, Италия ға жеткен. Сонымен қатар ребустар газеттерде, журналдарда, үйлерде, үйлердің қоршауларында салынған. Ребус — бұл шешетін сөздер немесе жасырын сөйлемдер, суреттермен бірге әріптермен немесе цифрлармен берілген жұмбақ. Ребустардың қиындығы әртүрлі деңгейде болады. Ребусты шешудің негізгі ережелері, белгілі бір заңдылықтары бар.